ads
رئيس مجلس الادارة رجــب ر ز ق
رئيس التحرير سامي خليفة
ads

شاهد.. مليون مشاهدة فى اقل من ١٢ ساعة لفقرة جحود الأبناء وانفعال عمرو الليثي علي الابن

الأحد 17-01 - 08:07 م
العربية نيوز
أمنية بدر
حققت فقرة انسانية ببرنامج واحد من الناس علي شاشة الحياة نسب مشاهدة عالية جدا تخطت المليون مشاهدة في اقل من ١٢ ساعة ، وجاءت الفقرة تحت عنوان جحود الأبناء .. بصموا ابوهم على بيع البيت و الورشة و رموه في الشارع

واستضاف الاعلامي د. عمرو الليثي الحاج حسين ابراهيم (70 سنة ) والذي كان ميسور الحال ميكانيكى وعنده ورشة وعمارة فى كفر الشيخ و زوجتة السيدة ميرفت رفعت والذي تزوجها بعد وفاة ام أولاده ، وبعد زواجه استغل اولاده عدم قدرتة على القراءة والكتابة وجعلوه يوقع على اوراق بيع كل ممتلكاته ليهم ، وكمان طردوه في الشارع هو و زوجته منذ عامين ، الحاج حسين مش عارف يدخل بيته حتى علشان يجيب هدومة ومش لاقى فلوس لعلاجة وعايش كأنه ميت بعد ما اطلق اولادة عليه حكم بالاعدام وشطبه من حياتهم والقوه فى الشارع بلا رحمة ولا شفقة ولاايمان ولا اى إحساس ، معانا فى الاستديو الحاج حسين وحرمة السيدة ميرفت.

و قال الحاج حسين ان لديه ولدين و بنت ، و قمت بزواج الصغير في شقة ١٧٥ متر في البيت عندى ، و بعد ما تزوجت بدأت المشاكل مع زوجتى و يشتمها باقذر الالفاظ ، و عندى ابنى التانى كان مسافر الكويت و عمره ما اعطانى مليم و سكنته معايا في البيت و نزل من الكويت تجمعوا على زوجتى و ضربوها ، و لما حسيت بالغدر منهم كتبت الشقة ليها باسمها ، فجن جنونهم و قاموا بتزوير عقود للشقق التي في البيت و المحلات التي اسفله ، و قاموا بالتواطئ مع المحامى و بصمونى على عقود بيع كل شيئ .

و تابع الحاج حسين انه مريض بروستاتا و عايش الان عند نسايبى ، و قاموا بضرب السيدة الفاضلة التي تزوجتها و تحملتنى في مرضى و لما حاولت امنعهم من ضربها ابنى الكبير ضربنى و بنتى تطاولت على بالالفاظ ، و اخدوا ذهب زوجتى و كل الأوراق الخاصة بالبيت .

و قال اشرف نجل الحاج حسين في مداخلة هاتفية البرنامج ان كل هذا لم يحدث و ان هذه السيدة هي سبب المشاكل كلها من يوم دخلت بيتنا و انا ابونا بيعاملنا احسن معاملة و لكنها هيا السبب و اعطينا ابونا ٢ مليون ونصف جنيه و قبضهم ثمن البيت .

و انفعل الليثى ازاى اديتوا لابوكم المبلغ ده و هو مش لاقى ياكل و مرمى في الشارع ، و ان كلامك غير منطقى انتوا بصمتوا ابوك على الورق و استغلتوا اميته ، هل هذا عدل ربنا هو ده الدين ، ملعون أبو الفلوس و البيت علشان ترمى ابوك في الشارع الكفن ليس له جيوب هل هذا يرضى ربنا .

و طالب الليثى اشرف ابن الحاج حسين انه يرجع ابوه و زوجته بيته مرة أخرى و يرجعوا ليه حقه اللى اخدوه و يعيش معزز مكرم في اخر أيامه و جمع اخواتك و انهوا المشكلة ده ابوك مرمى في الشارع عيب ، و انا هبعت كاميرا تتابع ابوك انه دخل بيته و شقته و لم يتعرض ليه حد .

و فى ختام الحلقة وعد الليثى الحاج حسين باجراء عملية مياه بيضاء له بعد مناشدته مساعدته في اجراء العملية من خلال برنامج واحد من الناس

تعليقات Facebook

تعليقات العربية نيوز

استطلاع الرأى

في رأيك.. من هو بطل الدوري في الموسم الجديد؟