ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

عمرو الليثي يتحدث عن كحك العيد منذ أيام الفراعنة بـ "رمضان المصرى"

الخميس 21-05 - 01:12 م
العربية نيوز
أمنية بدر
تناول الاعلامى دكتور عمرو الليثي في حلقة اليوم من برنامج " رمضان المصرى " على إذاعة الشرق الأوسط ، قصة الكحك و انه اساسا اختراع مصري خالص ..والمصريين هم الذين ابتكروه من ٥ الاف سنه و عجنوه وخبزوه ونقشوا عليه قرص الشمس .. ورسموا طريقة عمايله عالمعابد .. وكانت زوجات ملوك الفراعنة يجهزوه بالذات كل سنه يوم تعامد الشمس على وجه خوفو ويقدموه للكهنه حراس المعبد.. ومن يومها والكحك لازم يتعمل في كل بيت مصري في المناسبات .. لغاية ماارتبط بعيد الفطر بالذات بعد دخول عمرو بن العاص مصر .

و أضاف الليثي ان ايام الدوله الاخشيدية كان الحاكم بيحط دينار دهب في شوية كحك ويلخبطهم مع الكحك اللي بيتوزع عالشعب في العيد واللي تطلع كحكة الدينار الدهب من نصيبه يبقى حلال عليه ، وايام الفاطميين كانت الدولة بتعمل الكحك بنفسها في العيد وكان الخليفة بذات نفسه بيشرف على توزيعه على الناس .

و تابع الليثي ان الكحك اسمه الفرعوني "كحك " برضه .. وانه كان بيتعمل باشكال كتيره .. منها المثلث والمستطيل قبل مايستقروا على الشكل الحالي .. ولو ذهبت الى المتحف الاسلامي

في باب الخلق هاتلاقي هناك قوالب كحك من ايام الفاطميين مكتوب عليها " كل واشكر مولاك " .. عشان كده كانوا بيسموا الكحك اللي بالعجوة زمان" كل واشكر " ..

و اردف الليثي ان الكحك بقى بيتعمل في المخابز وعند الحلوانية كان الصنايعي اللي بيعمل الكحك اسمه " الكحكي " ..
وكانت فيه عائلات مصرية متخصصة في صناعة الكحك الى ان اتى اليونانيين والارمن مصر بعد الحرب العالمية الاولى واستقروا فيها بدأوا يتخصصوا في صناعة الكحك وبقوا شاطرين فيه جدا ومنهم عيلة جورج وانطوان باسيلي اللي لسه موجوده حتى الان .


يذاع برنامج رمضان المصرى على إذاعة الشرق الأوسط من الاحد للخميس الساعة ٤.١٠ عصراً

تعليقات Facebook

تعليقات العربية نيوز

استطلاع الرأى

هل تتوقع سيطرة العالم على فيروس كورونا؟