ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

عمرو الليثي يتحدث عن السوبيا والتمر والكركديه مشروبات مصرية اصيلة بـ "رمضان المصرى"

الأحد 17-05 - 03:25 م
العربية نيوز
أمنية بدر
تناول الاعلامى دكتور عمرو الليثي في حلقة اليوم من برنامج "رمضان المصرى" على إذاعة الشرق الأوسط، قصة السوبيا والتمر هندي والكركديه ومعاهم كمان عصير القصب وهي مشروبات مصرية أبا عن جد، وكان الخديوي اسماعيل هوه الذى أمر بتوزيع المشروبات دي على الشعب في أفراح الانجال اللي اتنصبت لها الزينات اربعين يوم.. وايامها اتوزع لاول مرة على الشعب مشروب السكر والليمون اللي اتشهر بعد كده وبقى ليموناته.

وأضاف الليثي انه الى اللن فيه حاره في مصر القديمه اسمها حارة السكر والليمون على اسم المشروب اللي تميز بيه اهل المحروسة ، وكان معروف عن الخديوي اسماعيل انه بيحب السوبيا جدا لدرجة انه عملها المشروب الرسمي في القصر ودواوين الحكومة وكان أي ضيف يدخل على الخديوي لازم يحييه بمشروب السوبيا، وكان مشروب محترم جدا لانه بيتعمل من جوز هند جاي من اسيا وافريقيا ، والمصريين همه اللي خلطوا جوز الهند بالحليب مع الفانيليا واخترعوا المشروب المزز العجيب ده .

و تابع الليثي الكركدية المصري الاصلي اللي زرعه الفراعنه وصدروه للدنيا كلها السودان وافريقيا وبلاد فارس والهند وحتى الانجليز اخدوه وزرعوه عندهم وسموه hibscus هيبسكاس، انت عارف ان الفراعنه اساسا كانوا بيزرعوا الكركديه في الحدائق كنبات زينه .. وبعد ذلك جففوه وشربوه لما اكتشفوا فوايده في العلاج.

واردف الليثي والغريبة ان هذه المشروبات ممكن تلاقيها في بلاد تانيه بس تلاقي طعمها غريب مش زي الطعم المصري ابدا .. يعني انا مثلا شربت عصير قصب معلبات في ماليزيا ، ومدة صلاحية العلبة في التلاجة كانت ١٠ايام .. بس كان طعمه غريب مش زي قصب السكر بتاعنا ده .

يذاع برنامج رمضان المصرى على إذاعة الشرق الأوسط من الاحد للخميس الساعة ٤.١٠ عصراً

تعليقات Facebook

تعليقات العربية نيوز

استطلاع الرأى

هل تتوقع سيطرة العالم على فيروس كورونا؟