ads
رئيس مجلس الادارة رجــب ر ز ق
رئيس التحرير سامي خليفة
ads

بعد إعلانها.. حكاية ارتباط ياسمين عبدالعزيز وأحمد العوضي.. ماذا فعل شقيق الفنانة ولماذا أثار الجدل؟

الأربعاء 04-03 - 12:45 م
العربية نيوز
في الساعات الأخيرة، نشرت الفنانة ياسمين عبد العزيز، عبر إنستجرام، صورة تجمعها بالفنان أحمد العوضي وعلقت عليها: «بحبك يا أحمد»، وذلك ردًا على اعتراف العوضي بحبه لها.

كان أحمد العوضي قد أعلن لياسمين عبد العزيز حبه من خلال صورة جمعتهما عبر «إنستجرام» وكتب عليها بحبك يا ياسمين، وجاءت معظم التعليقات على الصورة في شكل مباركات واستفسارات حول موعد الزفاف.

وونشر وائل عبد العزيز رسالة عتاب شديدة اللهجة لشقيقته بسبب ما يتردد عن ارتباطهما بأحمد العوضي على مواقع التواصل الاجتماعي. وكتب وائل عبدالعزيز في حسابه على «فيسبوك»، معاتبًا شقيقته ياسمين: «بصي يا ياسمين يا عبدالعزيز يا أختي، أنا معاكي وفي ضهرك من وأنتِ صغيرة شيلت مشاكل كتيًر بسببك ووقفت جنبك بكل ما أملك من قوة أدافع عنك في كل موقف صعب مر عليكي، ونسيت حياتي ونفسي علشان تبقي نجمة في مجالك».

وانتقد وائل في البوست التقاط شقيقته صورا مع أحد الأشخاص لم يسمه (يقصد العوضي) على حساب سمعتها وسمعة العائلة، مشيرًا إلى أنه ترك لها حرية اختياراتها إلا أنه لن يسمح لها بهذا (يقصد طريقة ارتباطها).

وتابع: «من إمتى وإحنا بنعمل أعياد ميلاد وتنزل على السوشيال ميديا، من إمتى الناس بتجيب في سيرتنا!؟ ونقعد نتعاكس على السوشيال ميديا ومع ذلك حياتك وأنتِ حرة فيها، أنا هتكلم على الشق إللى يخصني، إحنا دلوقتي عايزين نفهم العلاقة دي إيه ورايحة على فين؟، أما بالنسبة للأخ اللي ماشي وراكي في كل حتة وشايفك البيضة الدهب إللى هتفقسله كل يوم، أحب أقولك يا راجل لما تيجي تدخل بيت تدخله من بابه وتقعد مع رجالة البيت!!.. دي الأصول وده الاحترام». وانتقد «العوضي» وائل عبدالعزيز، معتبرًا في «فيس بوك» أن ذلك من الكبائر، لكن كل منهما حذف تعليقه بشأن الأزمة.

ووجه وائل عبد العزيز رسالة إلى أحمد العوضي، وكتب «وائل» في حسابه على «فيس بوك»: «ياسمين سألتني بعد الطلاق إنها ممكن تحب وتتجوز وأنا أول واحد قولتلها طبعًا حبيبتي ومن حقك وهبقى أول حد يفرحلك.. بس مش إنت لأني أعرفك من سنين وعارف نواياك والأيام هتثبت صحة كلامي».

وأضاف: «نصيحة مني ليك لما تدخل على ست متختارش وقت ضعفها وخروجها من طلاق ومشاكل، كنت بقيت صديق ينصح ويحافظ ويخاف لحد ما تبقي قوية تاني.. مش يتصور صور زي دي».

وأبدى محمد نجل الفنان الراحل محمود عبدالعزيز، والمنتج الفني، استغرابه من الهجوم الذي شنه وائل عبدالعزيز على شقيقته ياسمين عبدالعزيز، وذلك خلال بث مباشر له عبر حسابه الشخصي على موقع التواصل الاجتماعي "فيسبوك".

وقال عبدالعزيز: "أنا مش عارف أقول إيه أنا طالع منفعل بحدث مش مصدقه ولا فاهمه وقاعد فاتح الكلام قدامي ومش مصدق إن فيه ناس بتعمل كده وفيه إخوات بتفكر بالطريقة دي وبقا فيه هبل بيحصل وأنا مش داخل أعاتب شخص بعينه لانه مش من حقي لكن بما أن الموضوع تحول إننا بنفضح بعض وإننا إخوات في بعض وبنتكلم على بعض وبنقول أي كلام في أي كلام والسوشيال ميديا مدمرة دماغنا لهذا الحد".

وتابع: "اللي بيحصل ده مالوش أي علاقة بحاجة اسمها رجولة أو أخوة أو تربية وده خرج برة نطاق المنطق تماما وانا مش مقتنع ولا مصدق تماما".

وأضاف: "أنا فاكر إن أهالينا لما ربونا علمونا اننا نتلم مع بعض بس ده للي اتربي يعني وانا بتكلم على الأهل اللي ربت والعيال اللي اتربت من أهلها إننا نحابي على بعض ونحل مشاكلنا جوة بعض ومنصغرش بعض قدام الناس واللي مالوش كبير بيشتري له كبير".

واستطرد: "لو أنا وأخويا اتخانقنا لا قدر الله هروح له نتصافي مش هكلمه عشان نتخانق واكتب على السوشيال ميديا وإيه كمية الكلام المكتوب أنا مش فاهم الأخ اللي دخل كتب كده على أخته دماغه مبتفكرش وكتب أول سطر عادي كان مختل ومش مركز".

وتساءل عبدالعزيز: "مفكرتش أنت بتكتب ايه.. ده لو واحد مصاحب واحدة وسابها ميجرأوش أنه يقول عليها حاجة أو يكتب عليها حاجة لأن الموضوع مستفز جدا بصراحة واللي حصل بأكد أنه مالوش دعوة بالرجولة خالص".

وأضاف: "طب اتكلم عن واحدة منعرفهاش ومش معروف أنها بألف راجل وجدعة مع أصحابها وانا مش باعتبك ولا بلومك بس انت مش صح والموضوع بقا كتير قوي قوي وحسبي الله ونعم الوكيل في الجنان اللي حصل وخلاص" مؤكدًا: "الرصاصة طلعت ورشقت في قلب أختك".

وتابع: "بقينا بننسى إننا أهل وأسر وأصحاب وأخوات وممكن نتعاتب لكن مش ممكن نطلع نفضح بعض ونكتب كلام مالوش معنى" مختتمًا كلامه: "مليون خسارة على الرجولة واللي حصل ده مش رجولة أصلا".

ودعمت الفنانة ناهد السباعي، النجمة ياسمين عبد العزيز، فى أزمة التصريحات المتبادلة بين شقيقها وائل عبد العزيز، والفنان أحمد العوضى، بطريقة غير مباشرة، حيث كتبت عبر حسابها بموقع "أنستجرام" :" يا جماعة أرجوكم أرجوكم بالذات الرجالة بلاش تكلم على أسرار بيوت الناس وعرضهم وحالهم وشرفهم وعيوبهم ومشاكلهم عشان ده ذنب أكبر من التنمر اللي ترند اليومين دول".



وتابعت :"اللهم استر عوراتنا وآمن روعاتنا لنا ولكم جميعا يارب.. محدش يكتب اسم حد لو سمحتم ف الكومنتس عشان حرام برضه ده موضوع بتاعي أنا واحب أقول لصحابي إللي عملوا فيا كده جتكم الأرف بجد بجد.. انتوا الاتنين جتكم الأرف كنت فكراكم صاحبي ؟؟!!! لكن أخيه عالرجالة".

تعليقات Facebook

تعليقات العربية نيوز

ads
ads
ads
ads
ads

استطلاع الرأى

هل تتوقع سيطرة العالم على فيروس كورونا؟

ads
ads