ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

"مصطفي أبو تورته.. حكاية العريس الندل".. ترك خطيبته وانفصل عنها في قاعة الأفراح.. وهكذا تعامل معه رواد السوشيال ميديا

الأربعاء 02-10 - 03:03 م
العربية نيوز
في الساعات الأخيرة، أثارت فتاة مواقع السوشيال ميديا بحالة من الكوميديا والغضب فى آن واحد، بعد نشر قصة انفصالها عن خطيبها الذي تركها بإحدى قاعات الأفراح، ورحل بعد أخذه "التورتة".


وأثارت قصة هروب الشاب الذى يدعى "مصطفى" الجدل والسخرية، عبر مواقع التواصل الاجتماعي من موقفه الغريب يوم حفل خطوبته.

وكانت الفتاه قد كتبت قصتها وقالت: أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما أطلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت باركتلي وقولت أمشي اليوم”.

وتابعت الفتاة: كل ما أقوله فين الشبكه اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.

وأضافت: "والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كدا".

واختتمت الفتاة بقلب موجوع: دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل".

وانقلبت السوشيال ميديا بهاشتاج مصطفى أبو تورته وجاءت بعض التعليقات علي صورته كالتالي : «مصطفى أنت زعلان عشان فضحناگ فالجمهوريه گلها.. قول اه متتكسفش».

ومن هنا بدأت السخرية عليه على صفحات «الكوميكس» من أجل تنبيه الفتايات من مصطفى الذي غدر بخطيبته يوم فرحها ولم يفكر لحظة في الأيام التي قضاها معها وهي تنتظره واصبح على يد سيدات السوشيال ميديا «مصطفى ابو تورته».

يذكر أن لقب مصطفى أبو تورته تم اقتباسه من مشهد في فيلم حب البنات للفنانة حنان ترك عندما كانت تعاني من عقدة نفسية تجاه الرجال بعد أن والدها خان والدتها وكان يدعي مصطفي ابو حجر فاصبح اسمه تعبير عن خيانة الرجال بين السيدات.

وعلق الفنان محمد هنيدى بطريقة ساخرة على الموضوع، وكتب عبر حسابه على تويتر، قائلا: "‏والله كان فيه تورته هموت عليها"، وأخذ "القلشة" من فيلمه عندليب الدقى حينما قال: "كان فى زيتونة هموت عليها".

وانهالت التعليقات على قصة كتبتها إحدى الفتيات سردت فيها أحداث ارتباطها بخطبة مع شخص يدعى مصطفى، وكيف هرب العريس وأهله وغادروا حفل الخطوبة بحجة "الخال عيان"، والأدهى أنهم حملوا "التورت" معهم.

وأطلق المعلقون الغاضبون على العريس الهارب اسم "مصطفى أبو تورتة"، وانهالوا عليه نقدا وتجريحا على ألسنة فنانين وشخصيات عامة مشهورة.

في المحصلة، جعل النشطاء بتعليقاتهم وسخريتهم من "مصطفى أبو تورتة" نموذجا للرجل الأسوأ، ولم يوفروا في نقده أي توصيف يخطر على بال.




تعليقات Facebook

تعليقات العربية نيوز

ads
ads
ads
ads
ads

استطلاع الرأى

أي الأندية ستنجح مع مدربها الجديد في الموسم المقبل؟

ads
ads