ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

مقدمة قوية لأمل منصور للقضاء على الخداع والكذب بين الازواج ببرنامج ساعة أمل

الخميس 11-04 - 08:02 م
الاعلامية د. امل الاعلامية د. امل منصور خبيرة التنمية البشرية
أمنية بدر
قالت الاعلامية د. امل منصور خبيرة التنمية البشرية من خلال حلقات برنامج "ساعة أمل" على شاشة قناة الحدث اليوم ان البرنامج ناقش خلال عدد من الحلقات اسباب الطلاق والمشاكل الزوجية ووصلنا الى ان اختلاف التفكير بين الزوجين السبب الاكبر فى المشاكل الزوجية.

واضافت منصورننحاز للبيت والأسرة المصرية بكل مشاكلها وهمومها وأفراحها، واختارنا كبرنامج بيهتم بالقضايا الإنسانية والحياتية للأسرة المصرية اننا نناقش كل القضايا اللي بتخص البيوت المصرية وبتكون سبب في المشاكل الأسرية وممكن تؤدي الي الطلاق

ووجهة منصور لمتابعى البرنامج ، وإننا موجودين بفضل دعمكم ومشاركاتكم ورسايلكم الجميلة وبإذن الله نكون دايما عند حسن الظن
ومن خلال رسايل كتير جدا جت لنا علي صفحة البرنامج علي الفيس بوك من رجالة وستات كتير بيشتكوا من مشكلة خطيرة جدا وهي انهم بيكتشفوا إن زوجهم طلع بيكدب عليهم أو العكس إن الزوجة هي اللي طلعت كدابة.

واكتشاف الكذب دا بيكون بعد الزواج ، وأعتقد كتير جدا من اللي بيشاهدونا دلوقتي ممكن يكونوا مروا بقصة مشابهه أو يعرفوا قصص وحكايات اللي حصل فيها اكتشاف الزوجة لكذب زوجها بعد الزواج او العكس

وتابعت منصور وخلينا نرجع للحكاية من أولها ونعرف إن الخطوبة اتعملت علشان الشخصين اللي هيرتبطوا ببعض يقربوا من بعض ويتعرفوا علي بعض بشكل أكبر وأقوي ، لكن في أشخاص بتقدر تخبي ومتبوحش بكل أسرارها للطرف التاني إما علشان هي من البداية مريضة بداء الكذب ، أو إنها بتخبي علشان تحاول تحافظ علي الطرف التاني اعتقادا منها إنها لو صارحته ممكن يزعل ويغضب منها ويضيع أو ممكن لإن الطرف الأول مش بيحب من الأساس يقول أسراره.

واشارت منصور ان المفروض يكون بين إي اتنين مخطوبين هو المصارحه وكل طرف يقول علي كل اللي عنده وميخبيش حاجة مهما كانت صغيرة او من وجهة نظرة مش مهمة بس ممكن تكون ذات أهمية كبيرة عند الطرف التاني خصوصا لو عرفها من بره ، وبالتالي لازم تكون كل الأمور معروفه.

بس في مواضيع بتكون أكبر وأخطر زي إن زوج يخبي عن زوجته انه متزوج من واحدة تانية ودا القانون جرمه وأقر إن أي زوج علشان يتزوج مرة تانية لازم يعرف الزوجة بس خلينا نكون صرحاء ونقول إن نادرا إن حد يعمل كدا، وفي حاجات تانية زي إن زوجه تخبي عن زوجها مرضها مثلا أو انها مرتبطه عاطفيا بشخص تاني وحاجات من الأمور دي

ويشار إلي أن برنامج " ساعة أمل "يسعى فى اطار الاعلام الجاد والهادف الى رصد الظواهر الايجابية فى المجتمع وبخاصةً الاسرة المصرية ، والقاء الضوء عليها ومواجهة السلبيات ولا سيما ظاهرة الطلاق والتى انتشرت فى المجتمع المصرى واصبحت تهدد الاسرة المصرية ، وفى اطار توجه الدولة نحو مواجهة تلك الظواهر الخطيرة والتى تهدد المجتمع المصرى.

تعليقات Facebook

تعليقات العربية نيوز

استطلاع الرأى

أي الأندية ستنجح مع مدربها الجديد في الموسم المقبل؟