ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

انقذوا بطل مصر

الإثنين 25-12 - 09:17 م
محمد سعد محمد محمد سعد محمد
ياسـر تهامى
اللي قدامكم ده في غيبوبة تامة وعنده نزيف بالمخ ..اللي قدامكم ده علي سرير عناية مركزة بمستشفي الجلاء العسكري ..واهله مش معاهم جنيه ، ده. محمد سعد محمد ٣٨ سنة ..بطل مصر في كمال الأجسام .. تاني عالم في اسبانيا ٢٠١٥
بطل مصر عام ٢٠٠٩_ ٢٠١٠
بطل البحر المتوسط عام ٢٠١١ .. محمد رفع اسم و علم بلده كتير .
محمد عشان يصرف علي نفسه ويعرف يبني جسمه وقتها باع شقته وباع دهب مراته ..وكانت المكافأة من ربنا بالمركز التاني .. محمد رجع وعايش دلوقتي او كان عايش لحد الفجر هو وزوجته وولاده الستة في شقة مع أمه ..محمد اخته توفت من سنة وجوزها راح له وقال له دول ولاد اختك ربيهم ..
محمد سعد في رقبته كوم لحم ..أمه زوجته والده الخمسة وبنات اخته الاتنين ..كلهم مسؤولين منه
كل اللي فوق ده مش مهم بالنسبة لللي جاي
فجر النهاردة
محمد تعب جداً وأغمى عليه ، جريوا بيه علي مستشفي الْيَوْمَ الواحد ..رفضوا يقبلوه ..راحوا علي مستشفي المطرية العام رفضوا يقبلوه ...راحوا بيه علي مستشفي كليوباترا ..قالوا لهم مفيش مكان ..راحوا علي القاهرة التخصصي قالوا لهم مفيش مكان عندنا ..
المهم راحوا مستشفي العلاج العسكري ..قبلوه ..وطلع عنده نزيف بالمخ ودخل في غيبوبة بسبب اللف بين المستشفيات ..المهم دخوله مستشفي الجلاء كان لازم يدفع له التأمين ..الاسرة مش معاها اي فلوس ..المهم ان مجموعة من أصحابه الحقيقيين لموا
مع بعض و دفعوا فلوس التأمين ..
دلوقتي مر ١٢ ساعة ومحمد لسه في غيبوبة ..محمد الاتحاد بتاعه ميعرفش عنه حاجة ..ولو الاتحاد عرف بقصة محمد اصلا ..الاتحاد مش معاه يصرف علي نفسه ..
المهم ان أسرة محمد و كوم اللحم اللي ورآه لازم يدفع ١٥الف جنيه كل ٣ ايّام ..وهم مش معاهم حق التاكسي ال ينقلهم من المطرية لمستشفي الجلاء ..واصحاب محمد مشكورين. مش معاهم يدفعوا تاني .
اللي عايز أقوله
ان لو حد يعرف المهندس خالد عبد العزيز وزير الشباب والرياضة .. او حد من زمايلنا المحررين العسكريين يتواصلوا مع مسئولي المستشفي. او القيادة العامة
محمد بطل مصري ، وقبلها مواطن مصري
أنقذوه وانقذوا أسرته وارحموا دموع أمه واطفاله الستة هذه الاستغاثة نرسلها الى
# الفريق اول صدقي صبحي وزير الدفاع
# المهندس خالد عبدالعزيز وزير الشباب والرياضة
# رئيس الاتحاد المصري لكمال الأجسام

تعليقات Facebook

تعليقات العربية نيوز

ads
ads
ads
ads
ads

استطلاع الرأى

هل توافق على زيادة أسعار تذاكر "المترو" الأخيرة

ads
ads
ads