ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

ابن البطل

السبت 08-04 - 03:25 م
محمود النوبي محمود النوبي
محمود النوبي
مستني ايه من نبتة بذرتها بطل
طلعت ولاد من ضمن جيل رافعة الوطن.
فوق كل هامة ومش جديد ع اللي اتعرف
من صغر صغره سعيد ماهو ابن البطل
أنا مش طفولة حزينة أنا فخر البلد
تجري في دمي بطولة تسابق لي زمن
تلقي تاريخك فيا وتسترجع زمن
كانت بلادك خايفة وابويا آمن بلد
أنا مش حزين مكسور أنا اللي بكرة هكون رسالة للوطن
أنا اللي كلي مصون متشال ومتهني
ضمنت بكرة يكون أحلي وحيسمي
وجودي يعني وجود بلدي ومين زيي
يا زوجة شايلة الوطن حملك ده بزيادة
يطلع في إيدك جيل يكبر وكالعادة
يكونوا رمز لبلد وده وعد يا سادة
افرحي يا أسرة زرعت المبادئ والقيم
معني النجاح اتعرف وشامة عالية وهمم
يا مصر لجل عيونك ترسملي ضحكتها
بصي لولادك شوفي فرحتها وساعتها
تشوفي ابنك حي ما ولدها حارسها
انتوا الأمل مزروع فيكم وهتشوفوا
تحسوا مجد الكون موجود وحتقولوا
إني الشهيد موجود وده جزء من روحه
وجزاء بطولته ولد ثابت علي عهوده
ماهو صلب راجل بطل ومكتوب علي عيونه
أنا ابن شهم وبطل وأشهد علي أحلامي
بفضل ربي تكون خاضعة بأعمالي
وبكره كله يقول أنا ابن لبلادي
وفي وسط سطر تاريخي اكتبلي عنواني
أنا اللي ابن البطل وبلادي عارفاني
بكرة يا أمي هكون سندك وأحلامك
حتشوفي ابنك بطل وده كل أحلامك
يكون في زرعك علم وأنا رمز أعلامك
اكتبي يا بلادي في تاريخك سطري
في بداية السطر في كتابك واكتبي
مغلق لحين الإنتهاء من حلم حلمي واشهدي
إني اللي خلف يوم مامات وباركي ضحكتي
ضحكة ولد في كتاب بطولة هيتقرئ
وفخر للأجيال وسجلي موقعي
نبتة بطل في كتاب وبكرة هتشهدي
إني اللي خلف يوم مامات وباركي ضحكتي
ads

تعليقات Facebook

تعليقات العربية نيوز

استطلاع الرأى

في رأيك.. من سيفوز بالدوري المصري؟