ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

حب الوطن فرض ولا سنة

الإثنين 05-12 - 05:32 م
انشق المصريون واختلفوا وتناقشوا وتنافسوا وتخاصموا علي حب الوطن فالكل يدعي أنه يحبه أكثر من أي أحد ونصب الكثيرون أنفسهم متحدثا رسميا باسم الوطن وأحيانا قاضيا ومنفذا للحكم أيضا... مما جعلني أفكر هو حب الوطن فرض ولا سنة؟ يعني هو احنا مثلا عايشين في مصر علشان بنحبها ولا مش لاقيين مكان ثاني نروحه... أو أي مكان تاني هيحتاج مبالغ طائلة ولا نمتلكها؟؟.

تساؤلات كتير علي نفس طريقة هو انت ليه أهلاوي ولا زملكاوي مثلا... هتلاقي اللي يقولك أصلي اتولدت لقيتهم كلهم أهلاوية أو زملكاوية... ترد تقول آه وراثة يعني... طيب انت مسلم ولا مسيحي ليه ؟يقولك أنا اتولدت كدا ولا أملك حق الاختيار... ترد تقول له آه يعني متدين بالوراثة.. يعني غصب ولا راضي بالموضوع تلاقي اللي انت بتسأله يفكر ويرد يقولك عادي مش فارقة كتير ما انا كدا كدا ما بعملش حاجة غلط مثلا أو يقولك ما أنا كدا كدا ما بصليش .. طيب اسأله انت بتحب بلدك يقولك أنا اتولدت هنا وما ليش مكان تاني... طيب بتحبها يعني ؟؟؟ سؤال بقي محير.. تخيلوا سؤال محير.. هو انت متدين وراثة ولا اقتناع ؟.. أهلاوي ولا زملكاوي حب ولا اقتناع؟ .. بتحب بلدك ولا مش فارقة معاك؟ لازم نقف ونفكر... لازم نقتنع بكل حاجة في حياتنا.. نؤمن بكل قيمنا... نحب حياتنا .. مش بس نرضي بيها ولا نكتفي بموروثات... لازم نفكر .. نقتنع .. نؤمن .. نحب أو نرفض ونقرر.. المهم اننا نفكر وأكيد لما نفكر كويس هناخد القرار الصح في الوقت الصح.

تعليقات Facebook

تعليقات العربية نيوز

استطلاع الرأى

أي الأندية ستنجح مع مدربها الجديد في الموسم المقبل؟