ads
ads
ads
رئيس مجلس الادارة رجــب ر ز ق
رئيس التحرير سامي خليفة
ads

عيد لبيب: لازم نساند الرئيس وبلدنا.. ولأول مره فى تاريخ مصر يحصل الشباب على بريق الامل لمستقبل كبير وده اللى عمله السيسي فى ملوى الجديدة

الثلاثاء 18-10 - 02:27 م
العربية نيوز
قال عيد لبيب رجل الأعمال فى حوار جرئ له أنه على الشعب المصرى أن يستحمل مبررا ذلك بأن البلد تمر بظروف صعبه ولا يصح أن تخلى عنها مشيرًا إلى أن الرئيس يحمل ملفات كثيرة ولابد أن يجد ولاده بجواره.

مارأيك فى دعوات التظاهر يوم 11/11 للثورة على الغلاء؟
شوف أنا عايز أقول حاجه مهمه جدا قبل الثورة كان عندنا 46 مليار دولار احتياطى نقدى، والشباب نزلوا وعملوا مظاهرات وحصل تخريب من بعض الجماعات أدت إلى تراجعنا بصوره كبيره جدًا، وبعدين انا مش شايف الدعوات دى ليها لازمه فى حاجة.

نقص السلع العذائيه وزيادة الاسعار أغضبت الناس.. هل هذا صحيح؟
فى الحقيقه نعم ولكن نحن نمر بظروف اقتصادية صعبة وحرب داخلية وخارجية وطبعًا سيادة الرئيس يحمل ملفات كثيره يتعامل معها والعملية خطيرة مش سهلة وربنا يكون فى عون رئيس الجمهورية فعندنا ملفات داخلية وخارجية فى ليبيا والسعودية واليمن والعراق وبعدين أى واحد عنده مشكلة بيقول رئيس الجمهورية، بتاع التوك توك يقول الرئيس وبتاع القمح يقول الرئيس، فالرئيس هيستحمل ايه ولا ايه وهوه بيشتغل لوحده ومحدش بيساعده.

ماذا قدم سيادة الرئيس للشباب؟
فى النقطه دى ده المستقبل وكله امال فلاول مره فى تاريخ مصر يأخذ الشباب حقهم فى مشاريعهم الخاصة وان يفتح لهم الامل فتخيل أن اللى معاه فلوس حيشتغل ويكبر واللى مش معاه حيشتغل وينتج، واحنا قلنا فى مشروع ملوى الجديدة أنه مشروع عمله الرئيس للشباب فالأم المصرية التى خاطبها الرئيس خاطب وعيها لأن النهاردة أحنا داخلين على ظروف صعبة هنستحملها بس الامل فى أن أبنها يلاقى تعليم كويس ومشروع يشتغل فيه ويكبر وتشوف أبنها حاجة كبية فى البلد لأن ملوى الجديدة للشباب زي ست البيت والموظفة فكون أننا نتكلم فى المستقبل باستمرار ده بيرفع من دولتنا وده اللى عمله الرئيس فى ملوى الجديدة وأعتقد ان الدراسة اللى استلمناها انها هايلة جدًا وهتفرح مصر ولما نعلن عنها أتوقع أن مصر هتتبسط جدًا فكل اب وكل ام وكل شاب هيفرح لأنه سيشعر بأنه يوجد مستقبل جيد لولاده.

وما هو المطلوب من المواطنين الآن؟
والله أنا شايف أننا لازم نساند الرئيس لأن أحنا بنساند دولتنا والكل يعلم أن الرئيس بيشتغل لوحده وكون أنى أب مزنوق وملقيش ولادى حوليا فدى حاجه سيئه جدًا، فلازم نساند الرئيس مش نقول تواريخ لأن دى بلدنا وبيتنا اللى بندافع عنه، وده دور وطنى أصيل ومحترم والشعب يقدر ما يفعله الرئيس فتحيه من كل قلبي للأب الزعيم الوطني المتجرد عبدالفتاح السيسي الأب الذى يعمل فى صمت ويتحمل هموم ثقيلة جدًا ويخرج بابتسامة لأنه واثق فى الله واللى معاه ربنا محدش يقدر عليه أدعو لمصر ربنا يحفظها.. تحيا مصر.. تحيا مصر.. تحيا مصر.

تعليقات Facebook

تعليقات العربية نيوز

استطلاع الرأى

من هو المدرب المناسب للمنتخب الوطني ؟